پاکستان کا 3رکنی بلائنڈ کرکٹ وفد 7دسمبر کو نیپال روانہ ہوگا
اسلام آباد(امت نیوز)پاکستان کا3رکنی وفدورلڈ بلائنڈ کرکٹ کونسل کے اجلاس میں شرکت کے لئے7دسمبر کو نیپال روانہ ہوگا۔ وفد میں پاکستان بلائنڈ کرکٹ کونسل کے چیئرمین سید سلطان شاہ، یوسف ہارون اور سلمان بخاری شامل ہوں گے۔ ورلڈ بلائنڈ کرکٹ کونسل کا دو روزہ سالانہ اجلاس رواں سال 9 اور 10 دسمبر کو نیپال کے دارالحکومت کھٹمنڈو میں ہوگا۔ اس موقع پر ورلڈ بلائنڈ کرکٹ کونسل کے انتحابات بھی ہوں گے جس میں پاکستان کی جانب سے یوسف ہارون ڈائریکٹر ٹیکنیکل اور سلمان بخاری بطور سینئر نائب صدر امیدوار ہوں گے۔ پاکستان کی جانب سے پاکستان بلائنڈ کرکٹ کونسل کے چیئرمین سید سلطان شاہ نمائندگی کریں گے۔
