غوثیہ کمیٹی کراچی کے زیر اہتمام میلاد النبی ؐ ریلی

کراچی (پ ر) غوثیہ کمیٹی کراچی کے زیر اہتمام میلادالنبی ؐ ریلی نکالی گئی، جس میں سلسلہ عالیہ قادریہ سری کوٹ سمیت دیگر اراکین نے بھرپور شرکت کی۔ دارالعلوم قادریہ طیبہ کے شروع ہونے والی ریلی دارالعلوم گلشن بہار اور جوہر چوک سے ہوتی ہوئی سیکٹر ایل 12اورنگی دارالعلوم قادریہ سعدیہ پر اختتام پذیر ہوئی۔ ریلی کی قیادت غوثیہ کمیٹی کراچی کے صدر شاہد بھائی، جنرل سیکریٹری سید عالم، سینئر نائب صدر علی جواد کاظمی، فنانس سیکریٹری شاہ حسین، سیکریٹری اطلاعات نسیم قادری اور نظام الدین کررہے تھے۔ میلادالنبی ؐ ریلی کا سلسلہ سال 2000سے جاری ہے۔