آرنلڈ شوازنیگر نے پاکستان آنے کی حامی بھرلی

واشنگٹن (مانیٹرنگ ڈیسک) ہالی وڈ اداکار آرنلڈ شواز نیگر نے پاکستان آنے کی حامی بھرلی ہے۔پولینڈ کے شہر کاٹوویسٹا میں موسمیاتی تغیر سے متعلق کانفرنس کے موقع پر وزیر اعظم عمران خان کے مشیر برائے موسمیاتی تبدیلی ملک امین اسلم خان نے ٹوئٹر پر ہالی وڈ اداکار آرنلڈ شوازنیگر کے ساتھ تصویر پوسٹ کرتے ہوئے لکھا ہے کہ ہالی وڈ اداکار آرنلڈ شوازنیگر سے ملاقات کی ہے اور انہوں نے وعدہ کیا ہے کہ وہ موسمیاتی تبدیلیوں کی آگاہی کیلئے پاکستان کا دورہ کریں گے۔