رضا کاروں کے عالمی دن پر الخدمت کی ورکشاپ

کراچی(پ ر)الخدمت کراچی کے تحت ”رضاکاروں کے عالمی دن “ پر مقامی کالج میں ورکشاپ منعقد کی گئی، جس میں طلبہ و طالبات کی بڑی تعداد نے شرکت کی۔مہمان خصوصی سیکریٹری الخدمت احمد جمیل راشد نے طلبہ کو رضاکاروں کی سرگرمیوں سے متعلق آگہی فراہم کی اور کہا کہ کسی بھی فلاحی ادارے میں یہ ریڑھ کی ہڈی کی مانند ہوتے ہیں۔انہوں نے شرکا کو رضا کار بننے کی دعوت دی، جو طلبہ و طالبات نے دعوت قبول کرلی۔