خونی گاڑیوں نے 3نوجوانوں کی جان لے لی -ایک زخمی

کراچی (اسٹاف رپورٹر) خونی گاڑیوں نے 3 نوجوانوں کی جا ن لے لی جبکہ ایک کو زخمی کر دیا ۔ تفصیلات کے مطابق کے ڈی اے چورنگی کے قریب 23سالہ نعمان ولد رحمت گاڑی کی زد میں آکر شدید زخمی ہو گیا جسے عباسی اسپتال منتقل کیا گیا جہاںوہ زخموں کی تاب نہ لاتے ہو ئے دم توڑ گیا۔ مواچھ گوٹھ میں خونی گاڑی نے میں 2نوجوان کچل کر شدید زخمی کر دیئے جنہیں سول اسپتال لایا گیا جہاں 14سالہ ثاقب دوران علاج دم توڑ گیاجبکہ زخمی 18سالہ رضوان زیر علاج ہے دونوں بلدیہ ٹاؤن کے رہائشی تھے۔ نیو سبزی منڈی کے قریب نامعلوم شخص حادثے میں جاں بحق ہو گیا لاش عباسی اسپتال لائی گئی پولیس کے مطابق لاش شناخت کیلئے سرد خانے میں رکھوا دی گئی ہے ۔