آنحضرت ؐ کی محبت اور سیرت طیبہ انسانیت کیلئے مشعل راہ ہے- رضی جعفرنقوی

کراچی (پ ر) مجلس محبان محمدؐ وآل محمد ؐ کے تحت نشترپارک میں منعقدہ جشن عیدمیلادالنبی ؐ اور ولادت امام جعفر صادق کے جلسے سے خطاب کے دوران علامہ رضی جعفر نقوی نے کہاکہ آنحضرت ؐ کی محبت اور طرز زندگی انسانیت کیلئے مشعل راہ ہے کیونکہ آپ ؐ صادق و امین اور بلند پایہ سیرت کردار کے مالک تھے۔ سجادہ نشین خواجہ امین نظامی نے کہاکہ آج مسلمان آپ ؐ کے بتائے ہوئے راستے پر چلیں تو کامیابی اور کامرانی سے ہمکنار ہوسکتے ہیں۔ڈاکٹر شیخ مبشر عالم نے کہاکہ نبی کریم ؐ اور اہلبیت اطہار ؓ کی محبت ہمارے ایمان کا حصہ ہے۔ جلسے سے علامہ فرقان حیدر عابدی، علامہ سجاد شبیر، علامہ ارتضیٰ عباس، مولانا علی رضا عابدی، حافظ عدنان نظامی اور دیگر نے بھی خطاب کیا۔