پیپلز پیرا میڈیکل اسٹاف کے تحت سول اسپتال میں سندھی کلچر ڈے منایا گیا

کراچی (اسٹاف رپورٹر ) آل سندھ پیپلز پیرا میڈیکل اسٹاف کراچی کے تحت سول اسپتال میں سندھی ٹوپی اجرک ڈے منایا گیا۔ او پی ڈی بلاک میں منعقدہ پروگرام میں پی پی کراچی کے سیکریٹری و سابق رکن صوبائی اسمبلی جاوید ناگوری، لعل بخش بھٹو، ممبر سندھ کو نسل اقبال ساند اور میڈیکل سپرنٹنڈنٹ ڈاکٹر صابر میمن سمیت پیرا میڈیکل اسٹاف و کارکنان نے سیکڑوں کی تعداد میں شرکت کی۔ اس موقع پر 30پونڈ کا کیک کاٹا گیا اور تقریب میں شریک مہمانوں کو اجرک و سندھی ٹوپی پہنائی گئیں، جبکہ تقریب کی مناسبت سے ٹیبلو پیش کئے اور سندھی نغموں کی دھنوں پر رقص کیا گیا۔ تقریب کے اختتام پر نیاز خاصخیلی، سول اسپتال یونٹ کے صدر منیر شاہ و دیگر رہنماؤں نے مہمانوں کا شکریہ ادا کیا ۔