ورلڈ کپ ہاکی ٹورنامنٹ کے سیمی فائنلز (کل) کھیلے جائیں گے
بھوبنیشور (اے پی پی) ایف آئی ایچ ورلڈ کپ ہاکی ٹورنامنٹ اپنے اختتامی مراحل کی طرف گامزن ہے۔ میگا ایونٹ کے دونوں سیمی فائنلز (کل) ہفتہ کو کھیلے جائینگے۔ گزشتہ روز کھیلے گئے دو کوارٹرفائنلز میں سے انگلینڈ اور دفاعی چیمپئن آسٹریلیا کی ٹیمیں اپنے اپنے میچز جیت کر سیمی فائنل مرحلے میں پہنچ چکی ہیں۔ انگلینڈ کی ٹیم نے پہلے کوارٹر فائنل میچ میں ارجنٹائن کی ٹیم کو سخت مقابلے کے بعد 3-2 سے شکست دیکر میگا ایونٹ کے سیمی فائنل کے لئے کوالیفائی کیا تھا ۔
