بی اے ایس ایف نے تعمیراتی کیمیکلز کی وسیع رینج متعارف کرا دی

کراچی (بزنس رپورٹر) معروف کیمیکل کمپنی بی اے ایس ایف نے ریٹیل مارکیٹ میں تعمیراتی کاموں میں استعمال ہونے والے کیمیکلز کی وسیع رینج متعارف کرا دی۔ واٹر پروفنگ مارٹر اور کنکریٹ ایڈمکسچر پر مشتمل مصنوعات کراچی کے 200 سے زائد ریٹیل اؤوٹ لیٹس پر دستیاب ہوں گی۔ کیمیکلز کی تعارفی تقریب سے خطاب کرتے ہوئے منیجنگ ڈائریکٹر فیصل اختر نے کہا کہ بی اے ایس ایف کے کیمیکلز کے استعمال کے بعد عمارتوں کو دیکھ بھال کی کم ضرورت پڑتی ہے جبکہ پائیداری سالہا سال رہتی ہے۔ بی اے ایس ایف ایشیا پیسیفک کے ہیڈ سیلز اینڈ مارکیٹنگ میٹ راس نے کہا کہ بی اے ایس ایف ٹیکنالوجیز پچھلے 100برسوں سے دنیا کی مشہور عمارتوں کے تعمیراتی عمل کا حصہ رہی ہے۔ ہم 2019 تک مصنوعات کی اس رینج کو ملک کے دوسرے شہروں تک پھیلادیں گے۔