ایشیا کپ کی میزبانی ملنا پی سی بی کی کامیاب لابنگ کا نتیجہ ہے- صادق محمد

لاہور (امت نیوز) سابق ٹیسٹ کرکٹر صادق محمد نے کہا ہے کہ پاکستا ن کو ایشیا کپ کے انعقاد کی میزبانی ملنا پی سی بی کی کامیاب لابنگ کا نتیجہ ہے اور امید ہے کہ اس فیصلہ سے پاکستان میں انٹرنیشنل کرکٹ کی راہیں مزید ہموار ہوں گی ۔ ان کا کہنا تھا کہ 10 برس میں پہلی بار پاکستان کو ایشیائی ٹورنامنٹ کی میزبانی ملی ہے جو کہ پی سی بی کی موجودہ انتظامیہ کی کوششوں کا ثمر ہے۔ انہوں نے کہا کہ پاکستان اور بھارت کے مابین کرکٹ کے معاملات میں بہتری لانے کی ضرورت ہے ۔
٭٭٭٭٭