نعیم قریشی کراچی بار کے صدر ۔عامر سلیم جنرل سیکرٹری منتخب

کراچی (اسٹاف رپورٹر) کراچی بار انتخابات 2019 کے غیر حتمی نتائج میں نعیم قریشی صدر۔عابدفیروز نائب صدر اور عامر سلیم جنرل سیکریٹری منتخب ہو گئے جبکہ اشفاق بخاری جوائنٹ سیکریٹر ی ، ایاز الدین قریشی خزانچی اور فاقیہ امین نے لائبریرین کی نشست پرمیدان مار لیا ۔تفصیلات کے مطابق سٹی کورٹ میں کراچی بارکے نئے عہدیداران برائے 2019 کیلئے پولنگ ہوئی ۔جس میںساڑھے 5ہزار سے زائد وکلا نے صدر ، نائب صدر ، جنرل سیکریٹری ، جوائنٹ سیکریٹری ، خازن ، لائبریرین اورمنیجنگ کمیٹی کے ارکان کیلئے حق رائے دہی استعمال کیا ، ووٹنگ صبح 8 سے شام 5 بجے تک جاری رہی ۔ غیر حتمی نتائج کے مطابق صدارت کیلئے 5 امیدوار وں محمود الحسن ، نعیم قریشی ، منیر ملک ، سہیل بیگ نوری اور ظہور الدین مقابلہ ہوا کامیاب نعیم قریشی قبل ازیں بھی کراچی بار کے صدر رہ چکے ہیں ۔ اسی طرح نائب صدر کی نشست پر بھی 5 امیدوار عابد فیروز ، جی ایم کورائی۔ آصف قریشی ایاز خان اور عظمیٰ رفیق مد مقابل تھے جنرل سیکریٹری کیلئے 3 امیدواروں عامر سلیم ، جاوید چھتاری اور یعقوب چوہدری میں معرکہ ہو ا ۔جوائنٹ سیکریٹری کیلئے عبدالجلیل مروت ، اشفاق بخاری ، عرفان علی ، نصراللہ جلبانی اور شاہ نواز ملک میدان میں تھے ۔ خازن کیلئے ایاز الدین قریشی اور ا ندیم شاہ جلالی میں مقابلہ ہوا لائبریرین کیلئے 7 امیدوار اعجاز حسبانی ، فاقیہ امین ، جہانزیب ، مبشر علی ، سعید اختر عباسی ، سلیم احمد اور طلعت یاسمین مد مقابل تھے ۔