گینگ وار کارندہ۔اسٹریٹ کرمنلز۔منشیات فروشوں سمیت 14گرفتار

کراچی (اسٹاف رپورٹر) رینجرز اور پولیس نے گینگ وار کارندے سمیت14 ملزما ن گرفتار اور 10مشتبہ حراست میں لے لئے ۔ تفصیلات کے مطابق رینجرز نے ماڈل کالونی سے قتل ۔ڈکیتی ۔بھتہ خوری میں ملوث گینگ وار کارندے نوید احمد کو گرفتار کرلیا جبکہ گذری اور محمود آباد سے 4اسٹریٹ کرمنلز الیاس ، نور محمد ، فیصل اور سیف اللہ کو حراست میں لے لیا زمان ٹاؤن پولیس نے مقابلے کے بعد ملزم نواز کو زخمی حالت میں گرفتار کر کے اسلحہ برآمد کرلیا، شرافی گوٹھ ۔ مچھر کالونی۔مبینہ ٹاؤن ۔ سعودآباد اور سکھن پولیس نے منشیات فروشوں فیضان ۔راشد ۔ کامران ۔یاسین ۔حمزہ ۔شعیب ۔عاطف اور عزیز کو گرفتار کر کے 2 کلو چرس20کلو اور 16تھیلے گٹکا اور اسلحہ برآمد کرلیا ۔دریں اثنا پی آئی بی کالونی پولیس نے غوثیہ کالونی میں سرچ آپریشن کے دوران 75گھروں کی تلاشی لی اور100افراد کے کوائف چیک کئے اور کوائف نہ ہونے پر10افراد کو حراست میں لے لیا ۔