السید ویلفیئر کی جانب سے شاہد آفریدی کواستقبالیہ

کراچی (پ ر) فروٹ منڈی میں معروف کرکٹر شاہد خان آفریدی کے اعزاز میں السید اینڈ برادرز اسپورٹس ویلفیئر کی جانب سے استقبالیہ دیا گیا ۔ شاہد خان آفریدی فاؤنڈیشن کے بانی شاہد آفریدی نے کہاکہ مجھے یہاں آکر ایسا لگتا ہے کہ جیسے میں اپنے ہی گاؤںمیں موجود ہوں ہماری فاؤنڈیشن پاکستان کے ان علاقوں میں جہاں وسائل نہیں ہیں وہاں وسائل پیدا کررہے ہیں ۔ ویلفیئر کے چیئرمین سید عبدالماجد نے اپنے ویلفیئر کی جانب سے شاہد خان فاؤنڈیشن کو 10لاکھ روپے عطیہ کئے اس موقع پر محبوب عالم ، محمود خواجہ ، تاج پیر زادہ ، ثنا غزنوی ، سید اسد شاہ ، عبدالرحمن ، سلیمان خواجہ ، سلطان خواجہ ، لالا اکرم ، مقصود چوہدری نے خطاب کیا آخر میں اہلیان فروٹ منڈی کی جانب سے مہمان کو سوینئرپیش کیا گیا ۔