سری لنکن ٹیم آئندہ برس ورلڈ کپ سے قبل اسکاٹ لینڈ کیخلاف ون ڈے سیریز کھیلے گی

کولمبو (امت نیوز) سری لنکن ٹیم آئندہ برس شیڈول آئی سی سی ورلڈ کپ سے قبل سکاٹ لینڈ کے خلاف ون ڈے انٹرنیشنل کرکٹ سیریز کھیلے گی۔ کرکٹ سکاٹ لینڈ نے تصدیق کرتے ہوئے بتایا کہ سری لنکا اور سکاٹ لینڈ کے درمیان دو ایک روزہ بین الاقوامی میچوں پر مشتمل سیریز کا پہلا میچ 18 مئی جبکہ دوسرا اور آخری میچ 21 مئی کو کھیلا جائے گا، میچز کے مقامات کا اعلان دسمبر میں کیا جائے گا۔ سری لنکا نے اس سے قبل گزشتہ سال منعقدہ چیمپئنز ٹرافی سے قبل سکاٹ لینڈ کے خلاف دو ون ڈے میچوں کی سیریز کھیلی تھی۔