بنگلہ دیش کا ویسٹ انڈیز کیخلاف ٹی ٹونٹی سیریز کیلئے اسکواڈ کا اعلان
ڈھاکہ (امت نیوز) بنگلہ دیش نے ویسٹ انڈیز کے خلاف شیڈول ہوم ٹی ٹونٹی انٹرنیشنل کرکٹ سیریز کیلئے 15 رکنی سکواڈ کا اعلان کر دیا، محمد متھن اور محمد سیف الدین سلیکٹرز کا اعتماد حاصل کرنے میں کامیاب رہے جبکہ ابوجاوید کو ڈراپ کر دیا گیا۔ بنگلہ دیش اور ویسٹ انڈیز کے درمیان تین ٹی ٹونٹی میچوں پر مشتمل سیریز کا پہلا میچ (کل) پیر کو کھیلا جائے گا۔ اعلان کردہ ٹیم میں کپتان شکیب الحسن، تمیم اقبال، سومیا سرکار، لٹن داس، مشفق الرحیم، محموداللہ، روبیل حسین ودیگر شامل ہیں۔
