رائےونڈمیں چینی انجینئرکی مسیحی لڑکی سےشادی

رائے ونڈ(امت نیوز)چینی انجینئررائے ونڈسےمسیحی لڑکی بیا ہ لے گیا ۔شادی کی تقریب میں سیاسی و سماجی شخصیات نے شرکت کی ۔تفصیلات کے مطابق قامی سندر انڈسٹریل اسٹیٹ کی ایک پلاسٹک فیکٹری میں کام کرنے والے چین کے انجینئر ژانگ کانگ کی دوستی مشن کالونی رائے ونڈ کی رہائشی لڑکی کےچچاسے ہوگئی جس کی جواں سالہ طلاق یافتہ یتیم بھتیجی جیا جینیفرکرسچن کالونی رائے ونڈ میں منسٹری سنڈے سکول چلاتی ہے جہاں چائنیز بھی عبادت کیلئے آتے ہیں ،انجینئر ژانگ کو جینیفر پسند آگئی ،جس پر اس نے چچا سے شادی کی خواہش ظاہر کی۔فریقین کے گھر والوں نے بھی رضا مندی ظاہر کردی نکاح عیسائی رسم و رواج کے مطابق ہوا جس میں اہم سماجی و سیاسی شخصیات اور چینی ورکرز نے کثیر تعداد میں شرکت کی ۔