عمران خان ملک کی روایات کی پاسداری کریں ۔مشرف کا مشورہ

لندن(مانیٹرنگ ڈیسک) سابق فوجی آمر پرویز مشرف نے وزیراعظم عمران خان کو مشورہ دیا ہے کہ وہ بطور حکمران ملک کی روایات کی پاسداری کریں ۔اب وہ کھلاڑی نہیں20کروڑ پاکستانیوں کے نمائندے ہیں ۔نجی ٹی وی کے مطابق خصوصی گفتگو میں انہوں نے کہا کہ سنا ہے وہ سعودی عرب گئےتو ایک ہی شلوار قمیض پہنے ہوئے تھے اس پر چائے گر گئی تو اس کی دھلائی اور استری وغیرہ ہوتی رہی۔ پتہ نہیں یہ بات صحیح ہے یا غلط لیکن انہیں میرا مشورہ ہے کہ بیرونی دورے میں تین سے چار جوڑے لے کر جائیں اور تھوڑا سا روایتی بنیں ۔ پاکستان میں یہ ٹھیک ہے ،میں جانتا ہوں آپ ہر جگہ چپلیں پہن کر چلے جاتے ہیں، آپ گارڈ آف آنر کا معائنہ بھی چپلیں پہن کر کررہے ہیں ایسا نہیں ہو نا چاہیئے۔