بن قاسم میں تھانیدار سے لوٹ مار ۔1ڈاکو گرفتار

کراچی(اسٹاف رپورٹر) بن قاسم میں مسلح ملزمان نے تھانیدار سے لوٹ مار کی تاہم تھانیدار نے فائرنگ کرکے ایک ڈاکو کو زخمی کر دیا جسے گرفتارکرلیاگیا ۔ تفصیلات کے مطابق بن قاسم کے علاقے پپری قبرستان روڈ پر 3 مسلح ملزمان نے ایس ایچ او بنوں ٹھٹھہ حسین پتافی کی گاڑی کو روک کر لوٹنے کی کوشش کی مزاحمت پر ملزمان نے فائرنگ کردی تو جوابی فائرنگ سےایک ملزم زخمی ہوگیا جبکہ دو ملزم فرار ہوگئے۔ اطلاع ملنے پر علاقہ پولیس موقع پر پہنچ گئی اور ملزم سے اسلحہ برآمدکرکے اسے اسپتال پہنچایا، اے ایس آئی نثار ابڑو نےواقعہ کی تصدیق کی اور بتایا کہ ز خمی ملزم کی شناخت لکھمیر شر ولد جاویدکے نا م سے ہوئی۔