کھارادر میں رینجرز کے تحت مفت میڈیکل کیمپ

کراچی (اسٹاف رپورٹر)پاکستان رینجرز سندھ کے تحت اللہ رکھا پارک کھارادر میں فری میڈیکل کیمپ کا اہتمام کیا گیا، جس میں مقامی افراد کو مفت طبی سہولیات مہیا کی گئیں اس موقع پر میڈیکل اسپیشلسٹ، بچوں کے ماہر ،ڈینٹل سرجن ،جنرل فزیشن ،امراض چشم ،جلدی امراض ،لیڈی ڈاکٹر و رینجرز کی ڈاکٹرزٹیم نےخواتین ،بچوں اور بزرگوں سمیت 4200سے زائدمریضوں کاطبی معائنہ کیا اور انہیں مفت ادویات فراہم کیں۔ میڈیکل کیمپ میں مفت ایکسرے ،الٹرا ساؤنڈ، ای سی ج اور، بلڈ شوگر کے ٹیسٹوں کا بھی انتظام کیا گیا تھا۔ علاقہ مکینوں نےرینجرز کی کاوش کو بے حد سراہا۔