سرسید یونیورسٹی میں گریٹ ڈیبیٹ کے سالانہ مقابلوں کا انعقاد

کراچی (بزنس رپورٹر) برطانوی ہائی کمیشن نے سرسید یونیورسٹی آف انجینئرنگ اینڈ ٹیکنالوجی کے تعاون سے چوتھے سالانہ Great Debate Competitonکے پہلے سیمی فائنل مقابلے کا انعقاد کیا۔ مقابلوں میں تابانی اسکول آف اکائونٹی بیلیٹی کے طالب علم عبدالرافع فاتح قرار پائے، جبکہ جامعہ کراچی کے محمد عمار عباسی رنر اپ رہے۔ مہمان خصوصی برطانیہ کی ڈپٹی ہائی کمشنر کراچی ایلن برنس نے کہاکہ مقابلے پاکستانی نوجوانوں کی قابلیت اور صلاحیتوں کی عکاسی کرتے ہیں۔ فائنل مقابلہ مارچ 2019 میں ونڈسرکیسل میں منعقد ہوگا، جس میں تمام فاتح طلبہ شریک ہوں گے۔ قبل ازیں سرسید یونیورسٹی کے ڈین انجینئرنگ طلعت الطاف نے مہمان خصوصی کا خیرمقدم کیا۔