چمن میں دھماکے سے قبائلی رہنما سمیت 3زخمی
چمن(مانیٹرنگ ڈیسک)چمن میں دھماکے کے نتیجے میں قبائلی رہنما سمیت 3 افراد زخمی ہوگئے۔ چمن کے علاقے بوگرہ روڈ پر دھماکے کے نتیجے میں قبائلی رہنما حاجی باول آکا سمیت 3 افراد زخمی، دھماکے کے بعد ریسکیو ورکرز نے زخمی ہونے والے افراد کو اسپتال منتقل کیا دھماکے کے بعد قانون نافذ کرنے والے اداروں نے جگہ کو گھیرے میں لیکر شواہد اکھٹے کرنا شروع کردیے ہیں جب کہ سیکیورٹی فورسز نے علاقے کو گھیرے میں لیکر سرچ آپریشن شروع کردیا۔
