کمسن عمر لفٹر گینگ کے 3ماہر چورگرفتار-موٹر سائیکل برآمد

کراچی(اسٹاف رپورٹر) شریف آباد پولیس نے کمسن عمر لفٹر گینگ کے 3ماہر چوروں کو گرفتار کر کے موٹر سائیکل برآمد کر لی ۔ پولیس کے مطابق ایف سی ایریا میں کارروائی کے دوران پکڑے گئے3 کم عمر ماہر چوروں میں نور ولد محمد علی، عمار ولد محمد جاوید، رضا ولد محمد زاہد شامل ہیں، جن کی عمریں 9 سے 12سال کے درمیان ہیں، ملزمان نے دوران تفتیش اب تک 10 سے15موٹر سائیکلیں چوری کرنے کا انکشاف کیا ہے۔ ملزمان کا کہنا ہے کہ جیل میں قیدلفٹر گروہ کا سربراہ اور ماسٹر مائنڈ محمد رضا ان سے وارداتیں کراتا ہے۔ پولیس نے ملزمان سے عزیز بھٹی سے چوری موٹر سائیکل برآمد کرکے انکے دیگر ساتھیوں کی تلاش شروع کردی ہے۔ ایس ایس پی وسطی عارف اسلم راؤنے کمسن لڑکوں پرمشتمل گروہوں کی گرفتاری کے بعدبچوں ان کےماسٹر مائنڈ گینگ کی گرفتاری کیلئےخفیہ حکمت عملی بنا کر تھانوں کو ٹاسک دیدیا ہے۔