لند ن ائیرپورٹ پر ڈرونز کی اڑان پر فلائٹ آپریشن معطل

لندن (مانیٹرنگ ڈیسک)لندن کے گیٹ وک ایئر پورٹ کے اوپر ڈرونز کی اڑان پر فلائٹ آپریشن معطل کردیاگیا ۔اطلاعات کے مطابق کئی پروازوں کا رخ دوسرے ایئرپورٹس کی جانب موڑ دیا گیا ہے۔جس کے باعث مسافروں کو پریشانی کا سامنا کرنا پڑ رہا ہے۔ ایئر پورٹ انتظامیہ نے تصدیق کی ہے کہ ڈرونز دیکھے جانے کے وقت ایئر پورٹ پر کوئی پرواز موجود نہیں تھی اور وہ سسیکس پولیس کے ساتھ ڈرونز کے حوالے سے تفتیش کر رہے ہیں ۔ ائیرپورٹ کے ترجمان نے مسافروں کو تکلیف پہنچنے پر معذرت کرتے ہوئے کہا ہے کہ ایئر پورٹ کی حفاظت ان کی اولین ترجیح ہے۔ جب کہ سوشل میڈیا پر پروازوں کا رخ دیگر ایئر پورٹس کی جانب موڑنے کی خبریں گردش کررہی ہیں جن میں لندن ہیتھرو، لوٹن اور مانچیسٹر بھی شامل ہیں۔