سلور میڈل جیت کر کِک باکسر خیضر اللہ کی وطن واپسی

پشاور (امت نیوز) پشاور سے تعلق رکھنے والے مارشل آرٹس کے مایہ نازکھلاڑی خیضراللہ نے انٹرنیشنل سطح پر شاندار پرفارمنس کا مظاہرہ کرکے صوبے اور پاکستان کانام روشن کیا۔ خیضراللہ نے آذربائیجان کے شہر باکو میں منعقدہ انٹر نیشنل کک باکسنگ کے مقابلوں کے ہیوی ویٹ میں پاکستان کی نمائندگی کرتے ہوئے کروشیا، روس اور ایران کے کھلاڑیوں کو شکست دیکر فائنل تک رسائی حاصل کرلی۔ تاہم فائنل راؤنڈ میں فائٹ کے دوران شدیدزخمی ہونے کے باعث آذربائیجان کے کھلاڑی سے شکست کا سامناپڑا،لیکن حال میں موجود تماشائیوں او ر آفیشلزنے ان کوبہترین فائٹ کرنے پر زبردست الفاظ میں داددی ۔پشاور پہنچنے پر میڈیاسے گفتگوکرتے ہوئے خیضراللہ نے بتایاکہ آذربائیجان میں منعقدہ ان مقابلوں میں آذربائیجان،پاکستان،ایران،بنگلہ دیش،کروشیا،روس سمیت کئی دیگر ممالک کے کھلاڑیوںنے حصہ لیا۔پاکستان کک باکسنگ ٹیم میں انکے علاوہ کراچی اور پنجاب سے تعلق رکھنے والے کھلاڑی اشفاق ،ندیم اور علی کیساتھ ساتھ کوچ وحیداور منیجر مسعو دبھی شامل تھے ۔ا