بہادرآباد سے کالعدم تحریک طالبان کے 2 دہشت گرد پکڑے گئے

کراچی(اسٹاف رپورٹر)بہادر آباد پولیس نے خفیہ اطلاع پر کارروائی کرتے ہوئے 2 دہشت گردوں رحمت علی شاہ عرف قاری صاحب اور صابر شاہ عرف ملا کو گرفتار کر کے اسلحہ دستی بم برآمد کرلیا۔ایس ایس پی ایسٹ اظفر مہیسر نے بتایا کہ گرفتار دہشت گردوں کا تعلق کالعدم تحریک طالبان سوات گروپ کے کمانڈر ملا فضل اللہ سے ہے ۔دہشت گرد رحمت علی شاہ نے 2009 میں بونیر میں جوڑ پولیس چوکی کو دھماکہ خیز مواد سے اڑایا تھا۔دہشت گرد صابر شاہ ضلع غربی میں کٹی پہاڑی کے قریب ٹی ٹی پی نیٹ ورک چلاتا تھا۔دہشت گرد صابر شاہ کراچی آپریشن شروع ہونے کے بعد کوئٹہ کے راستے افغانستان فرار ہوگیا تھا۔صابر شاہ عرف ملاجی طالبان سوات گروپ کے کمانڈر اختر زمان شاہ کا قریبی ساتھی ہے۔ڈی آئی جی ایسٹ عامر فاروقی اورایس ایس پی ایسٹ غلام اظفر نے ایس ایچ او بہادر آباد اور ان کی ٹیم کی کارکردگی کو سراہااور نقد انعام و تعریفی اسناد دینے کا اعلان کیا۔