سیالکوٹ میں فائرنگ سے نواز لیگی خاتون رہنماء کی والدہ زخمی

سیالکوٹ(مانیٹرنگ ڈیسک ) مسلم لیگ (ن) خواتین ونگ سیالکوٹ سٹی کی صدر نصرت جمشید کے گھر پر نا معلوم افراد کی فائرنگ سے ان کی والدہ زخمی ہو گئیں۔ جنہیں اسپتا ل منتقل کر دیا گیا۔ تفصیلات کے مطابق نشاط پارک کے علاقے میں نامعلوم ملزم نے نوازلیگ سٹی کی صدر نصرت جمشید کے گھر پر فائرنگ کردی جس سے ان کی والدہ زخمی ہو گئیں ۔سی سی ٹی وی فوٹیج میں دیکھا جا سکتا ہے کہ ایک موٹر سائیکل سوار چادر اوڑھے گلی سے گزرتا ہوا فائرنگ کر کے فرار ہو رہا ہے ، اطلاع ملتے ہی پارٹی کارکن موقع پر پہنچ گئے ۔ پولیس نے ملزم کی تلاش شروع کر دی ہے ۔