لیاقت آباد میں دو بچوں کی ماں دیور کے ہاتھوں قتل
کراچی (اسٹاف رپورٹر) لیاقت آباد میں دو بچوں کی ماں دیور کے ہاتھوں قتل ہوگئی ۔ملزم آلہ قتل سمیت فرار ہوگیا۔ تفصیلات کے مطابق سپر لیاقت آباد نمبر4 زبیدہ میڈیکل کے قریب گھر میں گھریلو تنازعہ پر دیورنے تیز دھارآلے سے اپنی بھابھی فائزہ زوجہ خلیل کاگلا کاٹ دیا اور فرار ہوگیا۔پولیس نے لاش اسپتال منتقل کی، ایس ایچ او حسیب قریشی کے مطابق مقتولہ دو بچوں کی ماں تھی۔ملزم شکیل کی تلاش جاری ہے ۔
