جنوبی افریقہ پاکستان کیخلاف نیا فاسٹ بالر متعارف کرائے گا

جوہانسبرگ (امت نیوز) جنوبی افریقہ نے پاکستان کے خلاف شیڈول پہلے کرکٹ ٹیسٹ میچ کیلئے ان کیپڈ فاسٹ بالر ڈین پیٹرسن کو ٹیم میں طلب کر لیا۔ انہیں فاسٹ باؤلر ورنن فلینڈر کی جگہ سکواڈ میں شامل کیا گیا ہے۔ فلینڈر انگلی کی انجری میں مبتلا ہیں۔ جنوبی افریقہ اور پاکستان کے درمیان تین ٹیسٹ میچوں پر مشتمل سیریز کا پہلا میچ 26 دسمبر سے شروع ہو گا۔ کرکٹ ساؤتھ افریقہ سلیکشن کنوینر لینڈا زونڈی کے مطابق ڈین پیٹرسن طویل عرصے سے ڈومیسٹک کرکٹ میں تسلسل کے ساتھ عمدہ پرفارم کر رہے ہیں اور ہم نے پاکستان کے خلاف پہلے ٹیسٹ کیلئے انہیں بیک اپ بالر کے طور پر ٹیم میں شامل کیا ہے، ضرورت پڑنے پر انہیں ضرور موقع دیا جائے گا۔