کوئٹہ میں شدید سردی کے باعث جوڈو چیمپئن شپ ملتوی
اسلام آباد (امت نیوز) پاکستان جوڈو فیڈریشن نے کوئٹہ میں شدید سردی کے باعث قومی جوڈو چیمپئن شپ ملتوی کردی۔ نئے شیڈول کے مطابق چیمپیئن شپ مارچ 2019ء میں کھیلی جائے گی۔ پاکستان جوڈو فیڈریشن کے نائب صدر اور میڈیا ڈائریکٹر مسعود احمد خان نے اے پی پی کو بتایا کہ شیڈول کے مطابق چیمپئن شپ دسمبر میں کوئٹہ میں کھیلی جانی تھی تاہم کوئٹہ میں شدید سردی کے باعث فیڈریشن نے ایونٹ کو ملتوی کردیا اب نئے شیڈول کے مطابق چیمپئن شپ مارچ 2019ء میں کھیلی جائے گی ۔
