قومی بلائنڈ خواتین کرکٹرزکا تربیتی کیمپ شروع ہو گیا

راولپنڈی(امت نیوز)پاکستان بلائنڈ کرکٹ کونسل کے زیر اہتمام قومی ویمن ٹیم کا تربیتی کیمپ راولپنڈی میں شروع ہو گیا۔ کونسل کے چیئرمین سید سلطان شاہ نے اے پی پی کو بتایا کہ نیپال کے خلاف سیریز کے لئے 25 نابینا کھلاڑیوں کا تربیتی کیمپ گزشتہ روز وقار النساء ڈگری کالج، راولپنڈی میں شروع ہو گیا ہے، ایڈیشنل کمشنر جنرل فنانس نوشین سرور نے ٹریننگ کیمپ کا افتتاح کیا۔ سلطان شاہ نے بتایا کہ کیمپ ہیڈ کوچ نفیس احمد کی زیر نگرانی 31 دسمبر تک جاری رہے گا۔