پی سی بی نے آسٹریلوی ٹیم کو لانے کی کوشش تیز کردی

لاہور(امت نیوز) پاکستان کرکٹ بورڈ پی ایس ایل کے فائنل کے بعد لاہور اور کراچی میں آسٹریلین ٹیم کے دو میچز کروانے کے لئے بھرپور کوشش جاری ہیں۔ پی ایس ایل کے فائنل کے دوران کرکٹ آسٹریلیا کی سکیورٹی ٹیم کے ممبران پاکستان میں سکیورٹی کی صورتحال کا جائزہ لیں گے اور ان کی حتمی رپورٹ کے بعد آسٹریلین کرکٹ ٹیم پاکستان کا دورہ کرے گی ۔ذرائع کا کہنا ہے کہ کرکٹ آسٹریلیا کی سکیورٹی ٹیم مارچ کے پہلے ہفتے پاکستان کا دورہ کرے گی اور 17 مارچ کو پی ایس ایل کے فائنل سمیت تمام سکیورٹی صورت حال کا جائزہ لے کر اپنی رپورٹ دیں گے جس کی روشنی میں کرکٹ آسٹریلیا اور ان کی حکومت تمام معاملات کو فائنل کرے گی۔کرکٹ آسٹریلیا حکام پاکستان ٹیم بجھوانے کا اشارہ تو کرچکے ہیں تاہم حتمی فیصلہ کرنے سے پہلے سکیورٹی حالات کی تسلی اور وقت لینا چاہتے ہیں۔
٭٭٭٭٭