تیموریہ پارک سے بھاری مقدار میں مدفون کارتوس برآمد

کراچی(اسٹاف رپورٹر)رینجرز نے شاہ فیصل کالونی کے پارک میں مدفون بھاری مقدار میں کارتوس کو برآمد کرلیا۔کارتوس 17 ڈبوں اور ایک بوری میں رکھے گئے۔تفصیلات کے مطابق رینجرز نے شاہ فیصل کالونی نمبر 5 کے علاقے میں کارروائی کے دوران تیموریہ پارک میں مدفون کارتوس کا ذخیرہ بر آمد کرلیا۔شہریوں بابر علی اور نعمان خان کی جانب سے درخت لگانے کے لیے کھدائی کے دوران مشکوک ڈبوں کی اطلاع رینجرز کو دی گئی، جس پر رینجرز کی کوئیک رسپانس فورس نے جائے وقوعہ پر پہنچ کر مزید کھدائی کر کے دفن کیے گئے 17ڈبے اور ایک بوری بر آمد کرلی۔بر آمد ڈبوں میں ایس ایم جی کے 3300کارتوس اور بوری میں 12بور رائفل کے 400کارتوس موجود تھے۔
٭٭٭٭٭