حملے میں ملوث 2ملزمان کی فوٹیج سامنے آ گئی

کراچی (اسٹاف رپورٹر) ایم کیو ایم کے سابق رہنما ورکن اسمبلی علی رضا عابدی پر قاتلانہ حملے میں ملوث موٹر سائیکل پر سوار دو ملزمان کی سی سی ٹی وی فوٹیج منظر عام پر آگئی، سی سی ٹی وی فوٹیج میں بآسانی دیکھا جاسکتا ہے کہ علی رضا عابدی اپنی سفید کلر کی گاڑی میں جیسے ہی گھر کے دروازے پر پہنچے تو تعاقب میں آنے والے موٹر سائیکل سوار دو ملزمان میں سے پیچھے بیٹھے ہوئے ایک ملزم نے اتر کر ڈرائیونگ سائیڈ پر جاکر علی رضا عابدی کو نشانہ بنایا اور چند ہی سیکنڈ میں کارروائی کی اور موٹر سائیکل پر بیٹھ کر بآسانی فرار ہوگئے، سی سی ٹی وی فوٹیج میں دیکھا جاسکتا ہے کہ علی رضا عابد نے فائرنگ کے باوجود گاڑی گھر کے اندر لے جانے کی کوشش کی۔