بے نظیر بھٹو کی11ویں برسی آج منائی جائیگی-سندھ میں عام تعطیل

اسلام آباد (امت نیوز)سابق وزیراعظم بے نظیر بھٹو کی11ویں برسی آج بروز جمعرات منائی جائے گی۔ بینظیر بھٹو کو 27 دسمبر 2007ء کو راولپنڈی کے لیاقت باغ میں خودکش حملے میں نشانہ بنایا گیا تھا۔ پیپلز پارٹی کی سندھ حکومت نے 27دسمبر کو بینظیر بھٹو کی برسی کے موقع صوبے میں عام تعطیل کا اعلان کیا ہے۔ نوٹیفکیشن کے مطابق سندھ کے تمام تعلیمی ادارے اور سرکاری محکمے بند رہیں گے ۔