متحدہ لندن کے 2دہشت گرد دھرلئے گئے

کراچی(اسٹاف رپورٹر)رینجرز نے متحدہ قومی موومنٹ لندن کے 2 دہشت گردوں کو گرفتار کرلیا، جبکہ رینجرز اور پولیس کی کارروائیوں میں لیاری گینگ وار کے 4 کارندوں سمیت 19 ملزمان کو بھی پکڑ کر اسلحہ اور منشیات برآمد کرلی گئی۔تفصیلات کے مطابق رینجرز نے عید گاہ اور میٹھادر کے علاقوں میں کارروائیاں کرتے ہوئے متحدہ لندن کے 2 دہشت گردوں فرحان احمد عرف ٹکلا اور محمد ندیم کو گرفتار کرلیا۔ملزمان غیر قانونی اسلحے کی ذخیرہ اندوزی، بھتہ خوری اور ڈکیتی اسٹریٹ کرائم کی متعدد وارداتوں میں ملوث ہیں۔رینجرز نے نیپئر،کھارادر، رسالہ اور بغدادی کے علاقوں سے 4 ملزمان علی محمد عرف چائندہ ، عامرعرف عامر کچھی، اویس عرف بھاپو اور بلاول کو گرفتار کیا۔چاروں ملزمان کا تعلق لیاری گینگ وار سے ہے۔ملزمان ٹارگٹ کلنگ، بھتہ خوری اور ڈکیتی کی متعدد وارداتوں میں ملوت ہیں۔رینجرز نے چاکیواڑہ کے علاقے سے ملزم محمد آصف عرف پکوڑا کو گرفتار کر لیا۔ملزم بھتہ خوری کی متعدد وارداتوں میں ملوت ہے ۔سعود آباد ، ناظم آباد اور گبول کے علاقوں میں رینجرز نے کارروائی کرتے ہوئے 6 ملزمان عمیر ، محمد کامل، نجیب اللہ عرف مجید ، اعجاز خان ، مہناج الدین اور عظمت عرف منی کو گرفتار کرلیا۔تیموریہ پولیس نے 3 ملزمان عبدالجبار ،شبیر ،صفدر عرف پپو ، پی آئی بی پولیس نے 2 ملزمان وسیم مشتاق الیاس مستری ، وقاص، کرائم برانچ ون نے رشید آباد میں مقابلے کے بعد ملزم احمد شاہ درانی کو زخمی حالت میں گرفتار کرلیا۔ملزم کا ساتھی نعمت عرف گنجا فرار ہوگیا۔گرفتار ملزم بلدیہ کا بدنام جرائم پیشہ ہے اور قتل جیسی واردات میں بھی ملوث رہا ہے۔ پاکستان بازار پولیس نے 2 منشیات فروشوں شاہ رخ اور انور حسین کو گرفتار کرلیا ہے ۔