فوڈ اتھارٹی نےآئل اور گھی کے61 برانڈزناقص قرار دے دیئے

On دسمبر 28, 2018

لاہور(مانیٹرنگ ڈیسک)پنجاب فوڈ اتھارٹی نے 61 آئل اور گھی برانڈ زناقص قرار دے دیئے۔ 88 برانڈز کا تجزیہ ابھی جاری ہے۔ پنجاب فوڈ اتھارٹی کی طرف سے آئل اینڈ گھی چیکنگ مہم کے جاری کیے گئے نتائج کے مطابق 179گھی اور کوکنگ آئل برانڈز کا تجزیہ مکمل کرلیا گیا ہے جس میں 118پاس اور 61فیل قراردیئے گئے۔ ڈی جی فوڈ اتھارٹی کے مطابق فیل ہونے والے 61برانڈز پنجاب پیور فوڈ ریگولیشن 2018 کے مطابق معیار پر پورا نہیں اترسکے، یہ برانڈز کھانے پکانے کے استعمال کے لیے نامناسب ہیں۔ 118برانڈز حفظانِ صحت کے اصولوں کے مطابق پائے گئے۔ کیپٹن(ر) محمد عثمان کے مطابق 88برانڈز کی چیکنگ کا عمل جاری ہے جس کو جلد مکمل کر لیا جائے گا۔ فیل ہونے والے برانڈز کی سپلائی مارکیٹ سے اٹھوائی جا رہی ہے۔ اب تک 47223لیٹر فیل شدہ کوکنگ آئل مارکیٹ سے اٹھوایا جا چکا ہے۔ فیل ہونے والے برانڈز کی مکمل سپلائی مارکیٹ سے اٹھائے جانے تک کاروائیاں جاری رہیں گی۔وہ گھی اور کھانے پکانے کا تیل جو حفاظت اور معیار کے پیمانے پر پورا اترنے میں ناکام رہے، ان میں عابد کوہ نور بناسپتی، امبر بناسپتی، اپنا بناسپتی، اپنا کنولا آئل، اریج پریمیئم بناسپتی، عاطف بناسپتی، عطیہ بناسپتی، بدر کوکنگ آئل، بہترین بناسپتی، کرسپو ویجیٹیبل آئل، دعوت کوکنگ آئل، انعام کوکنگ آئل، فیضی بناسپتی، گائے کنولا کوکنگ آئل، گائے کوکنگ آئل، گائے سن فلاور کوکنگ آئل، غوثیہ بناسپتی، غوثیہ کنولا آئل، گولڈ رحمت بناسپتی، حور کنولا آئل، حور کوکنگ آئل، حور سن فلاور آئل، اتحاد کوکنگ آئل، کامیاب کوکنگ آئل، کامران بناپستی، کاروان بناسپتی، کوثر کنولا آئل، کوثر کوکنگ آئل، کھجور کوکنگ آئل، کسان کوکنگ آئل (سن فلاور)، لائوز کوکنگ آئل، ممتا بناسپتی، مجاہد کوکنگ آئل، نعمت کنولا آئل، نیچرلے کوکنگ آئل، نائس بناسپتی، نرالا بناسپتی، اولیو پریمیئم کنولا آئل، اولیو پرمیئم سن فلاور آئل، قرنی بناسپتی، راحت بناسپتی گھی، سیزنز فرائنگ آئل، ستارہ کوکنگ آئل، سویا سپریم بناسپتی، سلطان سن فلاور آئل، زرین بناسپتی، چاند بناسپتی، ایلا کوکنگ آئل، ایولن ویجیٹیبل بناسپتی، ایولن ویجیٹیبل کوکنگ آئل، فوجی کوکنگ آئل، گولڈن سن بناسپتی، گولڈن سن کوکنگ آئل، اتحاد بناسپتی، کھجور بناسپتی، لائوز بناسپتی، مدنی کوکنگ آئل، شمیم بناسپتی، سلطان کنولا آئل، سلطان کوکنگ آئل اور ذائقہ کوکنگ آئل شامل ہیں۔دریں اثنافوڈ اتھارٹی نے مارکیٹ سے 47ہزار233لیٹر گھی اور کوکنگ آئل کو ضبط کرلیا۔ لاہور زون سے 29ہزار 99لیٹرز، راولپنڈی زون سے 15ہزار6سو 61لیٹرز اور جنوبی زون سے 2ہزار 473لیٹرز کو ہٹا یاگیا۔