نیپرا نے بجلی کے نرخوں میں 31 پیسے فی یونٹ کمی کی منظوری دے دی

اسلام آباد(مانیٹرنگ ڈیسک) نیپرا نے بجلی کے نرخوں میں 31 پیسے فی یونٹ کمی کی منظوری دے دی۔ قیمت میں کمی کے حوالے سے درخواست کی سماعت ہوئی، اس دوران سنٹرل پاور پرچیزنگ ایجنسی نے کہا کہ نومبر میں بجلی کی ریفرنس پیداواری لاگت 4روپے 71 پیسے فی یونٹ رہی، صارفین کو 5روپے فی یونٹ بجلی فراہم کی گئی جب کہ مقامی گیس سے 20.04 فیصد اور درآمدی ایل این جی سے 17.23 فیصد بجلی پیدا کی گئی۔نیپرا نے درخواست منظور کرتے ہوئے بجلی کے نرخوں میں 31 پیسے فی یونٹ کمی کی منظوری دیدی۔