پولیس اہلکار قتل کیس میں 2پیٹنی بھائی زیرحراست

کراچی(اسٹاف رپورٹر) سولجر بازار میں پولیس اہلکار کے قتل کی تفتیش میں پولیس نے اہم پیشرفت کرتے ہو ئے 2پیٹی بھائیوں سمیت 3 افراد کو حراست میں لے لیا ۔ تفصیلات کے مطابق ریکسر پل والی سڑک پر تین روز قبل بریگیڈ تھانے کا اہلکار سہیل شاہ قتل ہو گیا تھا ۔تفتیش میں انکشاف ہوا کہ سہیل شاہ 2 پیٹی بھائیوں کے ہمراہ منشیات فروش نادر عرف چھپرا کے اڈے پر بھتہ لینے گیا تھا جہاں رقم کے معاملے پر تنازعہ ہو گیا اور تلخ کلامی کے بعد اسد لاسی اور فیصل نے فائرنگ کردی، جس میںسہیل شاہ اور فرہاد زخمی ہوگئے جبکہ ارشاد بھاگ نکلا تھا پولیس کے مطابق سہیل نے نزاعی بیان میں فائرنگ کرنے وا لوں کے نام بتائے تھے جبکہ زخمی فرہاد اور ارشاد نے غلط بیانی کرکے پولیس کو گمراہ کرنے کی کوشش کی اہم شواہد کی بناءپر دونوں اہلکاروں سمیت 3افراد کو حراست میں لے لیا گیا ہے، پولیس ذرائع کے مطابق فرہاد نے بیان میں بتایا کہ تینوں اہلکار منشیات فروشوں کے پاس ساتھ گئےتھے جبکہ ارشاد کا کہنا ہے کہ سہیل شاہ نے انہیں فون کرکے موقع پر بلایا تھا۔