گیس پریشر میں کمی کیخلاف نیو ایم اے جناح روڈ پر احتجاج

کراچی(اسٹاف رپورٹر)گیس کی بندش اور کم پریشر کے خلاف نیو ایم اے جناح روڈ کے اطراف کے مکینوں اور تاجروں نے احتجاجی مظاہرہ کیا گیا، جس کے نتیجے میں مذکورہ سڑک اور اطراف کی شاہراہوں پر بدترین ٹریفک جام رہا اور گاڑیوں کی طویل قطاریں لگ گئیں۔مظاہرین کا کہنا تھا کہ صبح سے لیکر سہ پہر تک گیس کا پریشر انتہائی کم رہتا ہے اور اکثر اوقات وہ بھی نہیں ہوتا، جس کے سبب روز مرہ کے امور انجام دینے میں پریشانی کا سامنا ہے ۔شرکا نے کہا کہ بچوں کے اسکول اور لوگوں کے دفاتر جاتے وقت سخت مشکلات کا سامنا کرنا پڑتا ہے۔بعدازاں پولیس نے پہنچ کر مظاہرین سے مذاکرات کرکے منتشر کردیا۔