سال نو کی تقریبات میں شرکت کیلئے پاکستانی وفد دبئی روانہ

کراچی (پ ر) معروف رائٹر ڈائریکٹر اور پروڈیوسر زاہد شاہ کی سربراہی میں اسٹیج فنکارو ں کا وفد دبئی روانہ ہوگیا۔ وفد میں پرویز صدیقی، ذاکر مستانہ اور سلیم شیخ شامل ہیں۔ کئی کامیاب اسٹیج ڈراموں کے خالق اور زیڈ بی آرٹ پروڈکشن کے روح رواں زاہد شاہ کے ہمراہ جانے والا وفد دبئی میں ہیپی نیو ایئر فیسٹیول میںپاکستان کی نمائندگی کرتے ہوئے اپنے فن کا مظاہرہ کریگا، جبکہ فنکاروں کا وفد سال نو کے حوالے سے منعقدہ مختلف تقاریب میں شرکت کریگا۔ روانگی سے قبل میڈیا سے زاہد شاہ کا کہنا تھا کہ پاکستانی فنکاروں نے بھارت سمیت پوری دنیا میں فن کا لوہا منوایا ہے۔