پیپلزیوتھ قائدین کی گرفتاری پر بھرپور مزاحمت کریگی- تیمور مہر

کراچی (پ ر) پیپلزیوتھ سندھ تیمور مہر نے کہا ہے کہ پیپلزیوتھ نے قائدین کی گرفتاری پر بھرپور مزاحمت کا فیصلہ کرلیا ہے۔ بلاول بھٹو کی ایک کال پر پورا ملک امنڈ آئیگا۔ مخالفین کو معلوم ہونا چاہیے کہ پیپلزپارٹی سب سے بڑی سیاسی قوت ہے ۔ ان خیالات کا اظہار انہوں نے کراچی میں میڈیا سیل سے جاری کردہ بیان میں کیا۔ ان کا کہنا تھا کہ بینظیر بھٹو کی برسی پر ان کو شاندار خراج عقیدت پیش کرنے کیلئے کراچی سمیت پورے ملک سے پیپلزیوتھ آرگنائزیشن کے کارکنان قافلوں کی صورت میں گڑھی خدا بخش پہنچے اور فاتحہ خوانی کی۔ بلاول بھٹو کا خطاب تاریخی تھا۔