قائداعظم شوٹنگ بال فیسٹیول ٹورنامنٹ قائداعظم شوٹنگ بال کلب کے نام

کراچی (بزنس رپورٹر) سندھ اسپورٹس بورڈ اور کراچی سٹی شوٹنگ بال ایسوسی ایشن کے زیر اہتمام قائداعظم محمد علی جناح کو خراج عقیدت پیش کرنے کیلئے قائداعظم ڈے شوٹنگ بال فیسٹیول ٹورنامنٹ کا انعقاد ڈرگ روڈ بال کلب پر کیا گیا۔ فائنل میں قائد اعظم شوٹنگ بال کلب نے لیاقت علی خان شوٹنگ بال کلب کو 2-1سے ہرا کر فائنل جیت کر ٹرافی اپنے نام کی۔ اینکر کمال لاشاری نے کھلاڑیوں میں انعامات تقسیم کئے۔ فائنل کا بہترین کھلاڑی ایوارڈ عاصم پٹھان کو دیا گیا۔ اس موقع پر ہدایت اللہ لاشاری سابق سیکریٹری کراچی سٹی شوٹنگ بال، خالد بروہی سیکریٹری یوگا فیڈریشن، امجد خان جائنٹ سیکریٹری جو ڈوایسوسی ایشن، خان محمد چنہ، شاہ جہاں خان سینئر نائب صدر کراچی شوٹنگ بال، حسنین تبسم سیکریٹری کورنگی، فاروق نادر سیکریٹری سائوتھ، محمد عارف ایڈووکیٹ جائنٹ سیکریٹری سندھ، تمیز حسین، صابر خان، افتخار حسین زیدی، اسرار زیدی، محمد عاصم ، ملک اکسیر ، محمد بخش ،محمد اجمل سیکریٹری کراچی شوٹنگ بال ، جاوید اختر کیانی صدر کراچی سٹی شوٹنگ بال، ٹیکنیکل آفیشل میں جمیل احمد، محمد عارف، حسنین اور دیگر نے شرکت کی۔کراچی سٹی شوٹنگ بال کے صدر جاوید اختر کیانی نے مہمان خصوصی کو اجرک، ٹوپی اور میڈی کیم کے جانب سے گفٹ پیش کیا۔ معزز مہمانوں کی خدمت میں اجرک اور ٹوپی و دیگر تحائف پیش کئے گئے۔