سندھ مدرسہ یونیورسٹی کے تحت ریڈیو اسٹیشن کا افتتاح

کراچی(بزنس رپورٹر)چیف سیکریٹری سندھ سید ممتاز علی شاہ نے کہا ہے آج کے دور میں میڈیا مقامی سطح پر محدود نہیں ہے، بلکہ انفارمیشن ٹیکنالوجی کی وجہ سے ایک عالمی میڈیا بن چکا ہے۔اسی طرح پاکستانی میڈیا عالمی سطح پر مقابلہ کررہا ہے۔یہ بات انہوں نے سندھ مدرسہ یونیورسٹی میں شعبہ میڈیا اسٹڈیز اینڈ کمیونیکیشن کے زیر اہتمام چلنے والے ایف ایم ریڈیو اسٹیشن ”وائس آف ایجوکیشن“ کی 24گھنٹے نشریات کی افتتاحی تقریب سے خطاب کرتے ہوئے کیا۔انہوں نے وائس چانسلر ڈاکٹر محمد علی شیخ، اساتذہ اورطالبعلموں کو مبارکباد دی۔ وائس چانسلر نے چیف سیکریٹری کا شکریہ ادا کیا اور چیف سیکریٹری کو شیلڈ پیش کی۔مہمان خصوصی نے جناح میوزیم کا بھی دورہ کیا۔