موٹروے پولیس نےبس میں لگی آگ بجھا کر50مسافروں کو بچا لیا

کراچی(اسٹاف رپورٹر) موٹروے پولیس نےبس میں لگی آگ بجھا کرمسافروں کو بچا لیا۔ذرائع کے مطابق سپر ہائی وےپر کراچی سے ملتان جانے والی مسافر بس کی چھت پر رکھے سامان میں اچانک آگ بھڑک اٹھی، جس کی اطلاع پر موٹر وے پولیس نے فوری پہنچ کر مسافروں کو بحفاظت اتار لیا، ڈی آئی جی موٹروے پولیس کراچی محمد سلیم کا کہنا ہے کہ آگ پر پانی اور مٹی کی مدد سے قابو پاکر 50مسافروںکو بچالیا گیا ہے۔