ٹام لیتھم نے کیریئر کی آٹھویں سنچری جڑ دی
کرائسٹ چرچ (امت نیوز) نیوزی لینڈ کی کرکٹ ٹیم کے مایہ ناز اوپننگ بلے باز ٹام لیتھم نے سری لنکا کے خلاف باکسنگ ڈے ٹیسٹ میچ میں شاندار بیٹنگ کا مظاہرہ کرتے ہوئے اپنے ٹیسٹ کیریئر کی آٹھویں سنچری مکمل کرلی۔ ٹام لیتھم نے جمعہ کو آئی لینڈرز کے خلاف فیصلہ کن ٹیسٹ میچ کی دوسری اننگز میں انتہائی شاندار بلے بازی کا مظاہرہ کرتے ہوئے انفرادی 176 رنز بنائے۔ یہ انکے ٹیسٹ کیریئر کی آٹھویں سنچری تھی۔ انہوں نے نہ صرف سنچری مکمل کی بلکہ ہیرس نیکولز کے ساتھ ملکر چوتھی وکٹ کی شراکت میں 214 قیمتی رنز بناکر سری لنکا کے خلاف میچ میں اپنی ٹیم کی پوزیشن مستحکم بنادی۔
٭٭٭٭٭
