بھارت میں مسافر وین اور کار میں تصادم سے7 افراد ہلاک – 4 زخمی

نئی دہلی (آن لائن) بھارت میں مسافر وین اور کار میں تصادم کے نتیجے میں سات افراد ہلاک جبکہ چار زخمی ہو گئے ۔ بھارتی خبر رساں ادارے کے مطابق پولیس حکام نے بتایا کہ حادثہ چندی گڑھ کے ضلع امبالا میں اس وقت پیش آیا جب ایک مسافر گاڑی اور کار آپس میں ٹکرا گئیں حادثے کے نتیجے میں دو بچوں سمیت سات افراد ہلاک جبکہ چار زخمی ہو گئے ۔ زخمیوں کو فوری طور پر ہسپتال داخل کر دیا گیا حادثے کی وجوہات جاننے کے لئے تحقیقات شروع کر دی گئی ہیں ۔