سرفراز احمد ٹیم کی بیٹنگ سے مایوس ہوگئے

لاہور(امت نیوز) پہلا ٹیسٹ گنوانے کے بعد سرفراز احمد نے بیٹنگ لائن کی کارکردگی پر اظہار مایوسی کیا ہے۔پاکستانی کپتان نے کہاکہ دوسرے روز آخری سیشن میں ناقص کھیل کی وجہ سے ہی میچ ہمارے ہاتھ سے نکل گیا تھا، ہمیں اپنی غلطیوں کا احساس کرنا ہوگا۔ تفصیلات کے مطابق پہلے ٹیسٹ میں ناکامی کے بعد پریس کانفرنس میں سرفراز احمد نے کہا کہ پاکستان کے پاس بہترین فاسٹ بولرز ہیں لیکن کسی بھی حریف کا ڈٹ کا مقابلہ کرنے کیلیے بیٹنگ لائن کی جانب سے اچھا ٹوٹل حاصل کرنا ضروری ہے۔