ملتان میں دولہے کی گاڑی پر موسمی سبزیوں سے سجاوٹ

ملتان (مانیٹرنگ ڈیسک) ملتان میں دولہے راجا کی گاڑی کو پھولوں کے بجائے سبزیوں سے سجایا گیا۔منفرداندازمیں سجی گاڑی دیکھ کر شہری خوشگوار حیرت میں مبتلا ہو گئے۔ گاڑی کو گاجر ،گوبھی، بینگن ، ٹماٹر سمیت دیگر سبزیوں سے خوبصورتی سے سجایا گیا۔شادی کو یادگار بنانے اور اپنے استاد کی خواہش پر راجہ محمد صدیق سبزیوں سے سجی گاڑی لے کر دولہنیا لینے جا پہنچے ،گاڑی کو گاجر،پیاز،مٹر ،بندگوبھی سمیت تمام موسمی سبزیوں سے خوبصورتی سے سجایا گیا تھا ۔انوکھی بارات میں شریک دولہے راجہ کے دوست احباب بھی خوشی سے نہال دکھائی دیے اور ڈھول کی تھاپ پر خوب بھنگڑے ڈالتے رہے۔دلہا محمد صدیق نے میڈیا سے گفتگو کرتے ہوئے کہا کہ مجھے آج بہت خوشی ہو رہی ہے ،میرا یہ 9سال کا خواب تھا میرے دوست کا کہنا تھا کہ آپ کی شادی پر ایک انوکھا تحفہ دوں گا،اس خوشگوار تبدیلی پر سبھی لوگ خوش ہیں اور اسے سراہا رہے ہیں ۔محمد صدیق کے دوست نے کہاکہ پھولوں سے گاڑیاں تو سبھی سجاتے ہیں لیکن میں نے دوست کی شادی پر گاڑی کو مختلف طریقے سے سجانے کا سوچ رکھاتھا،دلہا کی سبزیوں سے سجی گاڑی دیکھ کر شادی میں آنے والے باراتیوں نے خوش کا اظہار کیااور سجاوٹ کو خوب سراہا۔گاڑی کی ویڈیو وائرل ہونے پر سوشل میڈیا صارفین نے بھی دل کھول کرتعریف کی۔