کوچ- رکشے میں تصادم سے 2افراد جاں بحق- موٹر سائیکل سوار کچلا گیا

کراچی(اسٹاف رپورٹر) شہرکے مختلف علاقوں میں ٹریفک حادثات میں 4 افراد جاں بحق جبکہ خاتون سمیت 4 زخمی ہوگئے۔ سائٹ سپر ہائی وے کے علاقے نیو سبزی منڈی کے گیٹ نمبر 2کے قریب کوچ اور رکشہ میں تصادم کے نتیجے میں 2افراد شدید زخمی ہو گئے ،جن کو فوری طور پر عباسی اسپتال منتقل کیا گیا جہاں پر نجمان خان اور سعیداللہ نے دوران علاج زخموں کی تاب نہ لاتے ہوئے دم توڑدیا۔ سکھن کے علاقے بھینس کالونی میں نامعلوم گاڑی کی ٹکر سے موٹر سائیکل سوار مسرورجاں بحق اور نثار شدید زخمی ہو گیا۔ سائٹ ایریا کے علاقے سیمنس چورنگی کے قریب ٹرالر کی زد میں آکر موٹر سائیکل سوار نوجوان شدید زخمی ہو گیا جس کو فوری طور پر عباسی اسپتال منتقل کیا گیا جہاں پر اس نے دوران علاج زخموں کی تاب نہ لاتے ہو ئے دم توڑ دیا ،پولیس نے بتایا کہ متوفی کی عمر 24سال کے قریب ہے جس کی شناخت نہیں کی جاسکی ہے۔ ملیر کے علاقے کالا بورڈ اسٹاپ کے قریب بس اور رکشے میں تصادم کے نتیجے میں خاتون ماہ نور بی بی اور 3افراد محمد نور، یاسین اور منا زخمی ہو گئے، جنہیں طبی امداد کے لئے قریبی اسپتال منتقل کیا گیا۔