رکشہ میں آتشزدگی سے 2 خواتین – 4 بچے جھلس گئے

کراچی(اسٹاف رپورٹر) ہاکس بے روڈ پر رکشہ میں آگ لگنے سے 2خواتین ۔4 بچے جھلس گئے ۔ تفصیلات کے مطابق عمر گوٹھ میں گذشتہ صبح رکشہ میں اچانک آگ بھڑک اٹھی موقع پر موجود لوگوں نے فوری طور پر آگ بجھاتے ہو ئے رکشہ میں سوار بچوں اور خواتین کو نکالا ۔ اطلاع ملنے پر پر پولیس اور امدادی ٹیم موقع پر پہنچ گئی اور 2خواتین ۔ 4بچوں کو سول اسپتال منتقل کیا۔ جن میں 4سالہ وسیم ،3سالہ گل فراز،7سالہ شاہجہا ں،4سالہ غیاث گل ،35سالہ گل خاتون ودیگر شامل ہیں ۔ زخمیوں کی حالت خطرے سے باہر ہے ۔پولیس کے مطابق واقعہ شارٹ سرکٹ کا نتیجہ ہے۔